अहिरानी बोली @JagarAhiraniMayana

आयका हो मंडई आयकाऽऽऽ आपली मायबोली आहिरानिनं संमेलन धुयामा भरी र्‍हायनं हो ऽऽऽ २१,२२ जानेवारीले.. बठ्ठास्ले निवतं से. बठा जन येज्यात होऽऽ ढुम् ढुम् ढुमाक्...ढूम् ढुम् ढुमाक् समदास्नं संमेलन ६ वं आहिरानी संमेलन धुयामा भरी र्‍हायनं,त्याना करता बठ्ठा आयोजकस्ले मनफाईन शुभेच्छा देस. आपला खान्देश व माय अहिरानीना लेकरे या साहित्यानी खान शेतस. एकेक हिरा चारी मेर बसेल सेतस. मातीमाहीन निंघेल साहित्य म्हणजे जमीनमाहीन निंघेल मोतीस्नं पीकच से. माय बहीणाई थुन सुरु व्हयेल हाई परंपरा आज वडनं झाड बनीसन पसरेल से. लेख,कविता,कथा,गझल,पोवाडा,संगीत,गायन,कला,शाहीरी एकथीन एक न्यामी से. या साहित्य संमेलनमा न्यामी गिरामी कवीस्न्या कविता, लेख,कथा दिखथींन भाषातज्ञ आपला मते मांडथीन. हृदयले भिडणार्‍या कथा आयकाले भेटथीन. परीसंवाद आयकाले भेटीन. आपल्या कविता,कला सादर कराले भेटीन. पुलकीत करणारा पवाडा नि गुदगुल्या करणार्‍या चारोया. मुक्का मुक्का संवाद बी नि मोठमोठ्या आरोया बी. आंसुबी हासुबी व्हवु बी सासुबी पल्लो लेयेल देरानी  नि ठुमकत ठामकत जेठानी बी दादा बी नाना बी आबाबी नवतरुन सोबत धल्ला बाबाबी रुढी बी परंपरा बी कोढ...

 😆😆      —__©MKभामरेबापु उतरानना दुसरा दिन "कर".. सक्कायमा खेसरना नाता वाला हांक मारथीन. त्याले व्हकारा दिना,म्हंजे तो जिकायना.मंग तो म्हनी ढिंढरा खाई ल्या गधडा वाई या.. अशी हाई आपली परंपरा से. खेसरना नाता म्हंजे देर वैंजी साला पावना ननंद भौजाई मामभाऊ फुईभाऊ. आसा नाता मा अशा थट्टा मस्करी चालस... पहिले फोनबीन नही व्हतात.भला पैठामा मंग एराएरले हांका मारेत.आराया मारेत.धीरेज नाव पुकारैत. मंग कोनी फसना ते मज्या लेयेत, पन या दिन लोके तोंडमा गुईनी धरी चिडीचुप गिडीगुप र्‍हातस. कोनी कितला का हाका मारेना,तोंडमाहीन ओ काढतस नही नि व्हकारा भरतस नही. आते मोबाईलना जमाना से.आते फोनवर हाई चाली. "हॅल्लौ" बोलताज,गधडा वायाले जानं पडी. म्हनीसन आते कोनीज व्हकाराबी देवाव नही नी हॅल्लो बी बोलाव नही. मंग तो थट्टा करनारा बिचारा सरमाई जाई,नाराज व्हई जाई ना हो मंग. हाई काही मना भिडस्त सभावले रुचत नही. दुसरा नाराज ते व्हवाले नही जोईजे, त्याले आनंद ते भेटालेज जोईजे. मंग काय करो सालं? मी मंग बठ्ठास्ले व्हकारा भरसु, जसं काही माले माहीतीज नही आसं सोंग लीसन मी भोयेभोयैपणे "औ,काय वैंजी" ...

  : """"""""""""""""""""""""""""""""""""""""""""""""""""""""" अत्तर क्षणस्ना सुगंध / प्रा.बी.एन.चौधरी / ९४२३४९२५९३. समाजम्हा काही मानसं फक्त स्वतःसाठे जगतस. काही मानसं ह्या आपला कुटुंबकबिलापुरतं जगतस. काही मानसं ह्या घरदार सोडिसन विरक्त व्हतंस, संन्यासी व्हई जातंस तर काही मानसं ह्या समाजना व्हईसन समाजसाठे जगतंस. स्वतःसाठे, कुटुंबसाठे किडा, मुंग्याबी जगतंस. विरक्त व्हईसन अनेक साधू पुरुष वनवन जगभर फिरतंस. त्यासाठे गहिरं काही करनं पडत नही. मातर, घर नेमबंद पध्दतथून समाईसन, समाजसाठे जगाले खूप काही करनं पडस. इमानदारी, सचोटी, काटकसर, त्याग, कष्ट, सातत्य आणि समर्पण यास्ना सुयोग्य मे जमस, तव्हय एखादाना हातून, समाजोध्दारनं कार्य घडी येस. खान्देशना सुपूत्र आणि मराठवाडाना कर्मयोगी, चाळीसगावना ३ रं अखिल भारतीय आहिराणी ...

 *अध्यक्षीय मनोगत*     * पहिले ते मी या माय माऊली ले नमन करस ! सौ. सुनिता अक्का पदरमोड करनारी अहिरानी मायनी लाडकी आंडेर शे. गणकच आयोजनं अहिरानीना गुंता हुयी रायनात, नानासाहेबस्ना बबल्या ना शबदम्हान सांगानं झायते बुढ्ढीना बालवर फुगा इकनारस्नी कमी नही. पन ताई जेठा-मोठा साहित्यिक पाशीन महिला, युवा लगून बठ्ठास्ले एक मांडोम्हान लयीसन त्यास्ले मानपान आहेर देवाना हाऊ वसा अक्कानी हाते लेल शे. आपला मे महिना ना पगार आपले भेटनाच नहीं आसं समजीसन या माऊली अहिरानी साहित्यकार आनी त्यास्ना लेखनीले प्रेरीत करानं मोल नं काम सुरू करेल शे. मी मन पशीन आरस्तोल करस खान्देश हित संग्रामना मेढ्या आदरणीय भैय्यासाहेब पाटील, प्रवक्ता नानासाहेब सुरेश पाटील, आनी बठ्ठा पदाधिकारीस्ना. ज्यास्नी मन्हा सारखा अहिरानी मायनी पालखी छोटा भोयीले इतला जेठामोठा टिलकचंद लोकेस्मा बठाडी दिन्हं.     स्वागताध्यक्ष गणेश पाटील, उद्घाटक ज्ञानेश्वर भामरे कवी संमेलन ना मेढ्या गझलकार शरद धनगर खान्देश मराठा मंडळनं कार्यकुशल नेतृत्व आदरणीय प्राचार्य प्रशांत पाटील, अर्पण शेवा फाउंडेशन ना मेढ्या आदरणीय संग्रामसिंह राणा,...